Növbəti illərdə qəbul planını daha da artırmaq istəyirik.

Bunu elm və təhsil naziri Emin Əmrullayev "Report"un əməkdaşının sualına cavab olaraq jurnalistlərə açıqlamasında deyib.

"Biz daha çox azərbaycanlının ali təhsil almağını istəyirik. Buna da nail oluruq. Hazırda 20 il əvvəllə müqayisədə iki dəfə çox insan ali təhsil alır. Proses davam edəcək. 2026-cı ilə kimi qəbul planının 75 min olmasını hədəfləyirik. Hesab edirəm ki, bu rəqəm daha da artacaq. Çünki bu il həm Qarabağ, həm də Türkiyə-Azərbaycan universitetləri fəaliyyətə başladı", - nazir bildirib.

O qeyd edib ki, nazirlik qəbul planının əsasən regionlarda artırılmasının tərəfdarıdır: "İstəyimiz odur ki, regionlardakı ali təhsil müəssisələri universitet formatına düşsün. Yəni oradakı universitet 1000 nəfərlik olmasın".

Oxşar xəbərlər

Emin Əmrullayev: Qarabağ və Türkiyə-Azərbaycan universitetlərinin qəbul planı dolub

Növbəti illərdə bakalavr səviyyəsi üzrə qəbul planı artırılmayacaq

Nazir: Bəzi universitetlərin qeydiyyat zamanı tələbələrdən kağız formada sənəd tələb etməsi doğru deyil

Nazir: Bir neçə gündən sonra Türkiyə-Azərbaycan Universitetinin açılışı olacaq

Qarabağ Universitetinə qəbul planı təsdiqlənib, təhsil ödənişsiz olacaq