Müdafiə nazirinin təsdiq etdiyi 2024-cü il üçün hazırlıq planına əsasən, Əməliyyat (Komando) bölmələrində taktiki-xüsusi hazırlıq üzrə məşğələlər keçirilir.

Bu barədə BAKU.WS-ə Müdafiə Nazirliyindən məlumat verilib.

Plana uyğun olaraq, komandolar əldə edilən kəşfiyyat məlumatına əsasən daimi dislokasiya məntəqəsini tərk edərək şərti düşmənin diversiya qrupunun təxribat törədəcəyi ehtimal olunan ərazi istiqamətində hərəkət ediblər.

Əməliyyat rayonunun dərinliyinə sızan komandolar şərti düşmənin müvəqqəti sığınacaqlarının müəyyən edilərək mühasirəyə alınması və zərərsizləşdirilməsi, yaralıların təxliyə edilməsi və digər fəaliyyətlər üzrə tapşırıqları uğurla yerinə yetiriblər.

Sərt iqlim şəraitində komando bölmələri ilə keçirilən taktiki-xüsusi məşğələlərin əsas məqsədi hərbi qulluqçuların praktiki vərdişlərinin daha da təkmilləşdirilməsi, bölmələrin döyüş qabiliyyətinin yüksəldilməsi, eləcə də relyefə və hava şəraitinə uyğun maskalanma tədbirlərinin tətbiq edilməsidir.

BAKU.WS

Oxşar xəbərlər

Snayperlər şərti düşmən hədəflərinin məhv olunması üzrə tapşırıqları icra ediblər

Müdafiə Nazirliyində mühüm iclas: Zakir Həsənov tapşırıqlar verdi

Rusiya Ermənistandakı bazasına “hücumun” qarşısını aldı

Kəlbəcərdə erməni kəşfiyyat-diversiya qrupunun təxribatının qarşısı alınıb

MN: "Bu il azad olunan ərazilərdə 955 mina zərərsizləşdirilib"