"Hazırda, qrip və kəskin respirator virus infeksiyaları ilə əlaqədar epidemioloji vəziyyət stabil və nəzarətolunandır".

Bunu Sizinxeber.az-nın sorğusuna cavab olaraq Səhiyyə Nazirliyinin mütəxəssis-eksperti, infeksionist Təyyar Eyvazov deyib.

O bildirib ki, fəsil dəyişkənliyi və zəifləyən immunitet fonunda uşaqlar arasında hava-damcı infeksiyalarının artırıb:

“Fəsil dəyişməsi, havaların qeyri-stabil keçməsi, insanlarda mövsümi olaraq immunitetin nisbətən zəifləməsi uşaqlar arasında, xüsusən bağça və məktəblərdə hava-damcı üsulu ilə yayılan bu tip infeksiyaların artması üçün əlverişli şəraitdir Lakin, bu artımlar əhəmiyyətli dərəcədə deyil və təhlükəli hesab olunmur. Tezliklə havaların stabilləşməsi və temperaturunun artması qeyd olunan infeksiyaların yayılma səviyyəsinin azalacağını deməyə əsas verir. Bu infeksiyalar qısamüddətli olub immun sistemi normal olan insanlarda heç bir problem yaratmır. Lakin müxtəlif səbəblərdən immun defisiti olan şəxslər istisnadır, həmin insanlarda yüngül gedişli kəskin respirator virus infeksiyaları fəsadlı gedişlə müşayət oluna bilər".

O qeyd edib ki, Səhiyyə Nazirliyi tərəfindən vəziyyətin stabilliyi nəzərə alınaraq heç bir məhdudlaşdırıcı tədbirlər görülmür.

"Yalnız insanların çox sayda toplandığı məkanlarda maskadan istifadə olunması tövsiyə olunur”,- deyə Təyyar Eyvazov vurğulayıb.

Oxşar xəbərlər

Təyyar Eyvazov: Azərbaycanda epidemioloji durum qənaətbəxş hesab edilir

Nazirlik: Azərbaycanda koronavirusa yoluxma ilə bağlı ciddi artıma rast gəlinmir

Nazirlik: Hazırda müşahidə olunan respirator viruslarla yeni koronavirus infeksiyasının gedişi oxşardır

Qırğızıstanda metapnevmovirus infeksiyasına yoluxma halı qeydə alınıb

Nazirlik uşaqlar arasında yayılan virus infeksiyasına münasibət bildirib