Fövqəladə Hallar Nazirliyi və “Bakı Metropoliteni” QSC-nin birgə təşkilatçılığı ilə metronun “Gənclik” stansiyasında taktiki-xüsusi təlim keçirilib. Təlimin mövzusu “Bakı metropolitenində baş verə biləcək fövqəladə hadisələr zamanı birgə fəaliyyətin təşkili” olub. Təlimə rəhbərlik FHN-in Baş əməliyyat idarəsi tərəfindən həyata keçirilib.

Sizinxeber.az nazirliyə istinadən xəbər verir ki, əvvəlcə, FHN-in “112” qaynar telefon xəttinə metronun “Gənclik” metro stansiyasında kabel kollektorunda “yanğın” baş verməsi barədə “məlumat daxil olub” və dərhal Nazirliyin Dövlət Yanğından Mühafizə, Dövlət Yanğın Nəzarəti xidmətləri və Bakı Regional Mərkəzinin müvafiq qüvvələri “hadisə yerinə” cəlb olunub.

Şərti hadisə ilə bağlı Metropoliten əməkdaşları tərəfindən əvvəlcə stansiyanın bağlanması, tuneldə işçi işıqların yandırılması, təmas relslərindən gərginliyin kəsilməsi üçün qısaqapayıcıların pozulması, keçid qapılarının açılması və “yanğına ilkin müdaxilə” işləri həyata keçirilib.

FHN-in mobil yanğın-xilasetmə qrupları tərəfindən fərdi mühafizə vasitələrindən istifadə edilməklə operativ olaraq kəşfiyyat və əməliyyat şəraitinin qiymətləndirilməsi işləri aparılıb, qısa müddətdə şərti yanğın “söndürülüb”, xilasetmə vasitələri tətbiq edilməklə “zərərçəkmişlər” təxliyə olunaraq onlara “ilkin yardım göstərilib”.

Uğurla keçən təlimdən sonra nəticələr müzakirə olunub, FHN və Metropolitenin əməkdaşları arasında obyektdə baş verə biləcək fövqəladə hallarda xilasetmə işlərinin aparılması, zərərçəkmişlərə ilkin yardımın göstərilməsi və təxliyə zamanı təhlükəsizlik qaydaları ilə bağlı fikir mübadiləsi aparılıb.

Təlimə FHN-in ümumilikdə 6 ədəd texnikası və 38 nəfərdən ibarət şəxsi heyəti cəlb olunub.

Sizinxeber.az

Oxşar xəbərlər

Fövqəladə Hallar Nazirliyi tərəfindən metroda təlim keçirilib - VİDEO [xfgiven_updateblue][/xfgiven_updateblue]

FHN metroda təlim keçirdi - FOTO\VİDEO [xfgiven_updateblue][/xfgiven_updateblue]

Hacıqabulda avtomobil yanıb [xfgiven_updateblue][/xfgiven_updateblue]

Bakıda sexdə baş verən yanğın söndürülüb - YENİLƏNİB [xfgiven_updateblue][/xfgiven_updateblue]

Bakıda taxta sexi yanıb - YENİLƏNİB - 2 [xfgiven_updateblue][/xfgiven_updateblue]