Şəhər İcra Hakimiyyətinin və Sumqayıt Bələdiyyəsinin birgə təşkilatçılığı ilə 21-ci mikrorayonun "Şirvanşah" küçəsində keçirilən iməcilikdə qurum əməkdaşları və könüllülər fəal iştirak ediblər.

Bu barədə Sizinxeber.az-ya İcra Hakimiyyətindən məlumat verilib.

Aksiya zamanı ərazi alaq otlarından, məişət tullantılarından və yığılıb qalmış zibillərdən təmizlənib. Küçənin kənarlarında abadlıq işləri aparılıb, yaşıllıqlara qulluq edilib, səkilərin kənarlarında səliqə-sahman yaradılıb.

Məqsəd həm ərazinin ekoloji durumunu yaxşılaşdırmaq, həm də şəhərdə yaşayan sakinlər üçün daha təmiz və rahat mühit yaratmaqdır. Eyni zamanda belə aksiyalar şəhər sakinlərinin ictimai fəallığını artırmaq, onları yaşadıqları məhəllənin abadlığına daha məsuliyyətlə yanaşmağa təşviq etmək baxımından mühüm əhəmiyyət daşıyır.

Sumqayıt Bələdiyyəsindən verilən məlumata görə, bu tip iməciliklərin şəhərin digər mikrorayonlarında da davam etdirilməsi nəzərdə tutulur. Şəhərin simasının gözəlləşdirilməsi, insanların sağlam və komfortlu şəraitdə yaşaması üçün görülən işlərin ardıcıl xarakter daşıyacağı vurğulanıb.

Sakinlər də aparılan təmizlik və abadlıq işlərini müsbət qarşıladıqlarını bildirərək, belə təşəbbüslərin şəhərə yeni sima qazandırdığını xüsusi qeyd ediblər.

Beləliklə, Sumqayıtda keçirilən iməcilik aksiyası bir daha göstərdi ki, ictimai həmrəylik və birgə fəaliyyət şəhərin inkişafına və abadlığına mühüm töhfə verir.

Oxşar xəbərlər

Bakıda iməcilik keçirilib

Sumqayıt Bələdiyyəsi Xəzər sahilindəki iməcilikdə iştirak edib

Paytaxtda növbəti iməcilik keçirilib, küçələr yuyulub - FOTO - YENİLƏNİB

Sumqayıtda bir sıra küçələr asfaltlanacaq - SİYAHI

Sabah Bakıda iməcilik keçiriləcək