Sumqayıt Şəhər İcra Hakimiyyətinin başçısı Zakir Fərəcov ölkə cüdosunun inkişafında əvəzsiz xidmətləri olan Əməkdar bədən tərbiyəsi və idman xadimi Əhməddin Rəcəblini 80 illik yubileyi münasibətilə qəbul edib.

Bu barədə Sizinxeber.az-ya Sumqayıt Şəhər İcra Hakimiyyətinin mətbuat xidmətindən məlumat verilib.

Məlumatda bildirilib ki, görüş zamanı Zakir Fərəcov Əhməddin Rəcəblinin uzun illər ərzində Sumqayıtda idmanın, xüsusilə də cüdonun inkişafına göstərdiyi xidmətləri yüksək dəyərləndirib. O, yubilyarın yetişdirdiyi idmançıların həm ölkə, həm də beynəlxalq arenalarda qazandığı uğurların Sumqayıt idman tarixində mühüm yer tutduğunu qeyd edib.

Zakir Fərəcov Əhməddin Rəcəblini 80 illik yubileyi münasibətilə Fəxri Fərmanla təltif edib.

Qeyd edək ki, Əhməddin Rəcəbli uzun illər məşqçi kimi fəaliyyət göstərərək yüzlərlə idmançının formalaşmasında mühüm rol oynayıb.

Oxşar xəbərlər

Zakir Fərəcov Sumqayıtda səyyar qəbul keçirib

Rəşad Nəbiyev veteran cüdoçu Əhməddin Rəcəbli ilə görüşüb

Sumqayıtda Heydər Əliyevin anadan olmasının 102-ci ildönümünə həsr olunmuş idman yarışı keçirilib

Sumqayıtda səyyar qəbullar davam edir

Zakir Fərəcov Alman-Azərbaycan Ticarət Palatasının icraçı direktoru ilə görüşüb