Neft İxrac Edən Ölkələr Təşkilatı (OPEC) bütün zəruri meyarlara və məqsədlərə cavab verdikləri halda, yeni üzvlərin təşkilata qoşulmasına həmişə açıqdır.

“Sizinxeber.az-Economics”in “TASS”a istinadən verdiyi məlumata görə, bu barədə OPEC-in baş katibi Heysam əl-Qays bildirib.

“OPEC-ə yeni üzvlərin qəbuluna biz həmişə açığıq, əgər onlar təşkilatın meyarlarına cavab verirlərsə. Aydındır ki, bu ölkələr digər OPEC üzvləri ilə oxşar məqsədlərə malik olmalıdırlar. Onlar həmçinin əhəmiyyətli ixracatçılar olmalıdır”, – deyə o qeyd edib.

OPEC-in baş katibi vurğulayıb ki, təşkilat bir çox ölkələrlə bu barədə danışıqlar aparır: “Mən bir sıra Afrika ölkələri, məsələn, Seneqal ilə görüşlər keçirmişəm. Namibiyanın gələcəkdə potensialı var. Amma yeni üzvlərin qoşulması ilə bağlı rəsmi açıqlama verə bilmərəm”.

Oxşar xəbərlər

OPEC neft sektorunda istənilən növ sanksiyalara qarşıdır

"OPEC+" ölkələri artıq neft hasilatınının kompensasiyası planlarını yeniləyiblər

OPEC Azərbaycanda gündəlik neft hasilatı üzrə göstəriciləri açıqlayıb

“OPEC+” ölkələrində gələn il neft hasilatının artım tempi yavaşlayacaq - PROQNOZ

Rusiya “OPEC+” çərçivəsində hasilatın kompensasiya cədvəlini hazırlayacaq