Bu ilin yanvar-iyul aylarında Azərbaycanda dövlət əmlakının özəlləşdirilməsi üzrə 26 hərrac keçirilib.

Bu barədə "Sizinxeber.az-Economics"ə Əmlak Məsələləri Dövlət Xidmətindən bildirilib.

Hərraclarda 4 səhmdar cəmiyyətin səhm paketi, 1 kiçik dövlət müəssisəsi, 500 nəqliyyat vasitəsi özəlləşdirilib.

7 ayda özəlləşdirmədən dövlət büdcəsinə daxilolmalar 86 milyon manat təşkil edib.

Hesabat dövründə Dövlət Xidməti 406-sı qeyri-yaşayış, 2.068-i torpaq sahələri üzrə olmaqla 2.474 yeni icarə müqaviləsi bağlayıb. Daşınmaz dövlət əmlakının (qeyri-yaşayış və torpaq sahələrinin) icarəsindən dövlət büdcəsinə 26,9 milyon manat vəsaitin ödənilməsi təmin olunub.

Beləliklə, yanvar-iyul aylarında dövlət əmlakının özəlləşdirilməsindən və icarəsindən büdcəyə ümumilikdə 112,9 milyon manat vəsait daxil olub.

Oxşar xəbərlər

Azərbaycanda dövlət əmlakının özəlləşdirmə və icarəsindən büdcə daxilolmaları artıb

Dövlət əmlakının özəlləşdirmə və icarəsindən büdcə daxilolmaları 40%-dən çox artıb

Azərbaycanda bu il dövlət əmlakının icarəsindən büdcəyə 28,3 mln. manat ödənilib

Azərbaycanda dövlət əmlakları ilə bağlı icarə müqavilərinin sayı 21 % artıb