Avropa Yenidənqurma və İnkişaf Bankının (EBRD) Azərbaycandakı aktiv portfelinin həcmi əvvəlki ayla müqayisədə 2,1% və ya 22 mln. avro artaraq 1 mlrd. 52 mln. avro təşkil edib. İcra edilən aktiv layihələrin sayı 32-dən 33-ə yüksəlib.

Bu barədə "Sizinxeber.az-Economics"ə EBRD-dən bildirilib.

Qeyd olunub ki, portfelin 92%-ni (964 mln. avro) dayanıqlı infrastruktura yatırımlar, 5%-ni (54 mln. avro) sənaye, ticarət və aqrobiznes investisiyaları, 3%-ni (34 mln. avro) isə maliyyə institutlarına yatırımlar təşkil edir. Bankın ölkədəki əməliyyat aktivlərinin həcmi isə 12,8% artaraq 754 mln. avro təşkil edib.

Beləliklə, EBRD bu günədək Azərbaycana 195 layihə çərçivəsində 4,040 mlrd. avro həcmində investisiya yatırıb və sözügedən həcmin 82,8%-i (3,346 mlrd. avro) borc götürənlər tərəfindən artıq mənimsənilib. Ümumi investisiyalarda özəl sektorun payı 37%-ə yüksəlib.

Oxşar xəbərlər

EBRD-nin Azərbaycan üzrə investisiya portfelinin həcmi 1 mlrd. manatı ötüb

EBRD Azərbaycan üzrə investisiya portfelinin həcmini açıqlayıb

EBRD Azərbaycanda su təchizatının qurulmasına 370 mln. avro kredit ayıra bilər

EBRD ötən il özəl sektor və "yaşıl" iqtisadiyyata rekord səviyyədə investisiya yatırıb

Muhammet Kasim: Türkiyə "yaşıl" transformasiyalara 5 mlrd. avro sərmayə qoyacaq