Azərbaycan Mərkəzi Bankında (AMB) Azərbaycan Banklar Assosiasiyasının Rəyasət Heyətinin geniş tərkibinə daxil olan bankların rəhbər şəxsləri ilə növbəti dəfə görüş keçirilib.

“APA-Economics” xəbər verir ki, bu barədə AMB sədri Taleh Kazımov “X” sosial şəbəkəsində paylaşım edib.

“Görüş zamanı bank sektorunun üçüncü rüb üzrə fəaliyyəti, əldə olunan nəticələr və növbəti dövr üzrə hədəflər müzakirə olundu. Ölkədəki makroiqtisadi vəziyyət, son iqtisadi göstəricilər və bunların maliyyə sektoruna təsirləri ilə bağlı fikir mübadiləsi aparıldı, sektor nümayəndələrinin təklifləri dinlənildi.

COP29 zamanı ümumilikdə maliyyə sektorunun qarşısında duran məsələlər, planlaşdırılan fəaliyyət sahələri müzakirə olundu” - deyə paylaşımda qeyd edilib.

Oxşar xəbərlər

AMB-də COP29 zamanı planlaşdırılan fəaliyyət müzakirə olunub

AMB sədri: Bu il yaşıl istiqrazlar haqqında qanun qüvvəyə minəcək

Taleh Kazımov: Banklar COP-29 zamanı yaşıl keçidlə bağlı öhdəlik götürüblər

Taleh Kazımov: Yaşıl Maliyyə Taksonomiyası hökumətə təqdim ediləcək

Azərbaycanda yaşıl taksonomiyanın hazırlanması Dünya Bankı ilə müzakirə edilib