"PAŞA Bank" ASC-nin reallaşdırdığı layihə çərçivəsində Ani Ödənişlər Sistemi (AÖS) ilə mobil tətbiqdən hesablara mədaxil imkanı yaradılıb.

"Report" bu barədə Azərbaycan Mərkəzi Bankına (AMB) istinadən xəbər verir.

Belə ki, “PAŞA Bank”ın müştəriləri digər bankların AÖS-də qeydiyyatdan keçmiş istənilən müştərisinə mobil nömrə və yaxud şəxsiyyət vəsiqəsinin FİN məlumatı vasitəsilə asanlıqla, saniyələr ərzində köçürmə həyata keçirmək imkanına malik olub. Eyni zamanda, mobil tətbiq vasitəsilə hesabını AÖS-də qeydiyyatdan keçirən istifadəçilər “PAŞA Bank”ın və digər bankların müştərilərindən mobil nömrə və ya şəxsiyyət vəsiqəsinin FİN məlumatı ilə köçürmələr qəbul edə biləcəklər.

AÖS-ə inteqrasiya olunmuş bankların müştəriləri internet və mobil bankçılıq xidmətlərindən istifadə etməklə bank hesablarını AÖS-də qeydiyyatdan keçirə, “AniPay ID” yaradaraq hesabları sadə identifikatorlara (mobil nömrə, FİN kod, elektron poçt ünvanı, VÖEN) bağlaya və 24/7/365 rejimində ödənişləri anında icra edə bilərlər.

Oxşar xəbərlər

“Birbank” Ani Ödənişlər Sisteminə qoşulub

Filiala gəlmədən "Yelo Mobil POS" xidmətinə qoşulun!

Banka getmədən “SİMA İmza” ilə onlayn əmanət hesabı açın!