Azərbaycan Dövlət Neft Fondu (ARDNF) hazırda 23 ölkədə fəaliyyət göstərən 1 400 iri şirkətin səhmlərinə malikdir.

Bunu “Report”a ARDNF-in Risklərin İdarə Edilməsi Departamentinin direktoru Vadim Pşeniçnıy bildirib.

Onun sözlərinə görə, Fond müxtəlif sahələrə həmin sahələrin qlobal bazardakı kapitallaşma payına uyğun şəkildə investisiya yatırır: “Misal üçün, informasiya texnologiyalarının qlobal bazar payı 15-20 %, səhiyyə sektorunun payı isə təxminən 14 %-dir. Biz də bu göstəriciləri rəhbər tutaraq, investisiya portfelimizdə bu sahələrin nisbətini müəyyənləşdiririk”.

V. Pşeniçnıy bildirib ki, hazırda ARDNF-in səhmlərə yönəltdiyi investisiyalar ümumi portfelin 22 %-ni təşkil edir: “Səhm bazarı riskli hesab olunur. Lakin risk alma imkanımız artdıqca, səhmlərə yönəlik investisiyalarımız da artır. Hazırda Fond qızıl, səhmlər və daşınmaz əmlaka investisiya yatırır. Doğrudur, daşınmaz əmlak və infrastruktur layihələrinə yönəlik yatırımlarımız hələlik nisbətən azdır və səhm portfelinin təxminən 7 %-ni təşkil edir. Ümumilikdə, səhmlər və özəl kapital investisiya portfelimizin 25 %-ni əhatə edir”.

O əlavə edib ki, səhm bazarı Fond üçün ən aktiv bazardır: “Bu bazar qlobal xəbərlərə sürətlə reaksiya verir, nəticədə qiymətlərdə dəyişikliklər tez-tez müşahidə olunur. Buna görə də, burada aktiv iştirak və operativ risk idarəetməsi vacibdir”.

Oxşar xəbərlər

ARDNF-nin maliyyə aktivlərinin idarə edilməsindən 7,2 milyard dollar gəlir əldə edib

ARDNF yaradılandan bəri gəlirləri 207 milyard dolları ötüb

ARDNF indiyə kimi daşınmaz əmlaka investisiyalardan 1 mlrd. dollar gəlir əldə edib

ARDNF: İnvestisiya gəlirlərimiz neft gəlirləri səviyyəsinə çatıb

ARDNF-in aktivlərində qızılın həcmi 170 tona çatacaq