2025-ci ilin iyun ayının 1-nə Azərbaycanda bankların manatla cəlb edilmiş müddətli depozit və əmanətlər üzrə orta faiz dərəcəsi 8.87 faiz təşkil edib.

Bu barədə “Sizinxeber.az-Economics” Azərbaycan Mərkəzi Bankına istinadən xəbər verir.

Bu dövrdə manatla cəlb edilmiş müddətli depozit və əmanətlər üzrə orta faiz dərəcəsi hüquqi şəxslər üzrə 7.11 faiz, fiziki şəxslər üzrə isə 10.21 faiz olub ki, bu da ötən ilin eyni dövrü ilə müqayisədə müvafiq olaraq 0.94 faiz bəndi və 0.90 faiz bəndi artıb.

Qeyd edək ki, bu ilin 5 ayında banklar cəlb etdikləri depozit və əmanətlərə görə 498.6 milyon manat faiz ödəyiblər.

Xatırladaq ki, cari il iyun ayının 1-nə banklarda hüquqi və fiziki şəxslərin depozitlərinin (maliyyə institutları istisna olmaqla) həcmi ötən ilin müvafiq dövrü ilə müqayisədə 9.6% artaraq 38 milyard 179.3 milyon manata bərabər olub.

Oxşar xəbərlər

Ötən ay fiziki və hüquqi şəxslər 100 mln. manat depozit gəliri əldə ediblər

I rübdə fiziki və hüquqi şəxslər 300 mln. manata yaxın depozit gəliri əldə ediblər

İki ayda fiziki və hüquqi şəxslər 200 mln. manata yaxın depozit gəliri əldə ediblər

Banklar 9 ayda 636 mln. manat depozit faizi ödəyiblər

Banklar 8 ayda 570 mln. manat depozit faizi ödəyiblər