Azərbaycan və Macarıstan bank sektorunda institusional əməkdaşlığı genişləndirə bilər

Azərbaycan Mərkəzi Bankının sədri Taleh Kazımov Beynəlxalq Hesablaşmalar Bankının (BIS) İsveçrənin Bazel şəhərində təşkil olunmuş 95-ci illik toplantısında iştirakı çərçivəsində Macarıstan Mərkəzi Bankının sədri Mihali Varqa ilə görüş keçirib.

"Sizinxeber.az" xəbər verir ki, T.Kazımov bunu "X" sosial şəbəkəsindəki hesabında bildirib.

Onun sözlərinə görə, görüşdə regional iqtisadi vəziyyət və mərkəzi bankçılıq gündəmində olan mühüm məsələlər müzakirə olunub, institusional əməkdaşlığın genişləndirilməsi imkanları üzrə fikir mübadiləsi aparılıb.

Mərkəzi Bankın sədri Taleh Kazımovun Beynəlxalq Hesablaşmalar Bankının (@BIS_org) Bazel şəhərində təşkil olunan 95-ci illik toplantısında iştirakı çərçivəsində Macarıstan Mərkəzi Bankının (@MNB_Hungary) sədri Mihali Varqa ilə ikitərəfli görüşü keçirilib.

Görüş zamanı regional… pic.twitter.com/xk0dsZgWF5

— Azərbaycan Mərkəzi Bankı (@Merkezi_Bank_AZ) June 30, 2025