Bu gün Azərbaycan Respublikası Hesablama Palatasının sədri Vüqar Gülməmmədovun rəhbərliyi ilə növbəti Kollegiya iclası keçirilib.

Bu barədə "APA-Economics"ə Palatadan bildirilib.

İclasda Hesablama Palatasının 2021-2025-ci illər üzrə Strateji Planına uyğun olaraq dövlət auditinin rəqəmsallaşdırılması və böyük verilənlərin təhlili üzrə fəaliyyətin optimallaşdırılmasına xidmət edəcək texniki həllərin qurulması üzrə həyata keçirilmiş və nəzərdə tutulmuş işlər müzakirə edilib.

Müzakirələr zamanı müvafiq həllin ilkin konsepsiyası dəstəklənib, aidiyyəti prosedurlara başlanılması, hüquqi-tənzimləyici bazanın formalaşdırılması istiqamətində də işlərin görülməsinə başlanılması barədə qərar qəbul edilib.

Eyni zamanda, iclasda “Azərbaycan Respublikası Dövlət Neft Fondunun vəsaitlərinin formalaşdırılmasının və əsas istiqamətlər üzrə istifadəsinin auditinin nəticələri haqqında Auditor hesabatı” müzakirə edilib. Müzakirələrin yekununda hesabatın təsdiq olunmasına və aidiyyəti üzrə təqdim edilməsinə dair qərar qəbul olunub.

Sonra Hesablama Palatasının fəaliyyəti ilə bağlı gündəlikdə dayanan digər məsələlərə baxılıb.

Oxşar xəbərlər

Hesablama Palatası Dövlət Neft Fondunda yoxlamalar aparıb

Hesablama Palatası Aqrar Kredit və İnkişaf Agentliyində nöqsanlar aşkarlayıb

Hesablama Palatasının 2024-cü il üzrə hesabatı Milli Məclisə təqdim edilib

Hesablama Palatasının "2024-cü il dövlət büdcəsinin icrası haqqında" qanun layihəsinə rəyi təsdiqlənib

Hesablama Palatası Dövlət Turizm Agentliyində yoxlama aparır