IFC-nin Cənubi Qafqaz üzrə regional menecerinin missiyası başa çatıb

Azərbaycan Mərkəzi Bankının (AMB) sədri Taleh Kazımov Beynəlxalq Maliyyə Korporasiyasının (IFC) Cənubi Qafqaz üzrə regional meneceri İvana Fernandes Duarteni qəbul edib.

"Sizinxeber.az" bu barədə AMB-yə istinadən xəbər verir.

"2021-ci ilin iyun ayından bu vəzifədə çalışan xanım Duarte missiyasını uğurla tamamlayır. Görüş zamanı sədr ölkədə və regionda IFC-nin fəaliyyətinə verdiyi dəyərli töhfələrə və məhsuldar əməkdaşlığa görə ona təşəkkür edib və gələcək işlərində uğurlar arzulayıb", - deyə məlumatda qeyd olunub.