Bu ilin yanvar-may aylarında Azərbaycanla Çin arasında tranzit yük daşımalarının həcmi ötən ilin eyni dövrü ilə müqayisədə 31,6 % artaraq 178 min ton təşkil edib.

"Report" xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən "Şanxay Əməkdaşlıq Təşkilatı Nümayiş Zonası - Azərbaycanda Logistika və Ticarətin Təşviqi Konfransı"nda bildirib.

Bundan başqa, onun sözlərinə görə, 2024-cü ilin I yarısında Azərbaycanla Çin arasında dəmir yolu daşımaları isə illik müqayisədə 93 % artıb.

"İyulun 3-də “Azərbaycanla Çin arasında strateji tərəfdaşlığın qurulması haqqında Birgə Bəyannamə” imzalanıb. Bu sənəd ölkələrarası iqtisadi, ticarət, mədəniyyət, turizm sahələrində əməkdaşlığı ehtiva edir. Bu fəaliyyəti hər iki dövlət dəstəkləyir", - deyə Y.Abdullayev əlavə edib.

Oxşar xəbərlər

Azərbaycan və Latviya arasında investisiyaların həcmi açıqlanıb

AZPROMO-nun yaradılmasından 5 il ötür

Azərbaycanda ixrac və investisiya forumları keçiriləcək

Azərbaycanda Milli İxrac Strategiyası iyula qədər təsdiqlənəcək

Müvəqqəti işlər vəkili: "Çin-Azərbaycan iqtisadi göstəriciləri rekord həddə çatıb"