“Azərbaycan Xəzər Dəniz Gəmiçiliyi” QSC (ASCO) dəyəri 50 mln. ABŞ dolları olan yeni istiqrazların yerləşdirilməsindən əldə olunan vəsaiti beynəlxalq hövzələrdə istismar üçün yeni tipli daha böyük gəmilərin alınmasına yönəldəcək.

Bu barədə ASCO tərəfindən yeni istiqrazların yerləşdirilməsi ilə bağlı “Sizinxeber.az-Economics”in sorğusuna cavab olaraq QSC-dən bildirilib.

“Artıq 50 mln. dollar dəyərində növbəti ASCO istiqrazlarına abunə yazılışı başlayıb. Ümid edirik ki, ilk istiqrazlarda olduğu kimi, bu dəfə də böyük tələbat olacaq. Ümumilikdə, bu istiqrazların yerləşdirilməsindən əldə olunan vəsait ASCO-nun Xəzərdən kənar fəaliyyətinin genişləndirilməsinə, eləcə də beynəlxalq hövzələrdə istismar üçün yeni tipli daha böyük gəmilərin alınmasına yönəldiləcək”, - məlumatda qeyd olunur.

Qeyd edək ki, Bakı Fond Birjasının (BFB) Listinq Komitəsinin qərarı ilə 13 dekabr 2023-cü ildə premium bazar seqmentində listinqə daxil edilmiş ASCO-nun ümumi dəyəri 50 mln. ABŞ dolları olan yeni istiqrazlarına abunə yazılışı 18 dekabr 2023-cü il tarixindən başlayıb. Abunə yazılışı prosesi 18 fevral 2024-cü ilədək davam edəcək. Sənədsiz adlı 50 min ədəd istiqrazın illik gəlirliliyi 6%, tədavül müddəti 5 il, kupon ödənişi yarımildə bir dəfə müəyyən edilib. Bir istiqrazın nominal dəyəri 1 000 manat təşkil edir. Yerləşdirmə üzrə anderrayter “PAŞA Kapital İnvestisiya Şirkəti” QSC-dir.

ASCO-dan bildirilib ki, bundan öncəki istiqraz yerləşdirilməsindən (100 mln. dollar dəyərində) əldə olunan vəsaitlər də yeni gəmilərin alınmasına və qurumun fəaliyyətinin genişləndirilməsinə istifadə olunub.

“Belə ki, Azərbaycan dənizçiliyinin tarixində istismar edilən, eləcə də hazırda milli donanmamızda mövcud ən böyük gəmilərdən təxminən 10 dəfə böyük olan “Aframax” tipli üç tanker (“Şuşa”, “Qarabağ”, “Zəngəzur”) istismara verildi. Azərbaycan Respublikası Prezidenti cənab İlham Əliyevin birbaşa dəstəyi ilə bu tankerlərin alınması nəticəsində 2023-cü ildə ASCO və ümumilikdə Azərbaycanın gəmiçilik sahəsi yeni dövrə qədəm qoydu”, - məlumatda qeyd olunub.

Xatırladaq ki, bundan əvvəl - 29 dekabr 2022-ci ildə “Bakı Fond Birjası” QSC-nin Listinq Komitəsinin qərarı ilə premium bazar seqmentində listinqə daxil edilmiş ümumi dəyəri 100 mln. dollar olan ASCO-nun ilk istiqrazları tədavülə buraxılıb.

Oxşar xəbərlər

Blinken: “İsveç tezliklə NATO-ya üzv olacaq” [xfgiven_updateblue][/xfgiven_updateblue]

Yanvarın 1-dən elektron nəqliyyat qaiməsi ölkə üzrə yük daşımalara şamil ediləcək [xfgiven_updateblue][/xfgiven_updateblue]

Borrell: "Aİ ölkələri ABŞ-nin Qırmızı dənizdəki əməliyyatına qoşulacaq" [xfgiven_updateblue][/xfgiven_updateblue]

Özbəkistan Prezidenti: Füzulidə məktəbin açılışında iştirakımız münasibətlərimizdə parlaq iz buraxıb [xfgiven_updateblue][/xfgiven_updateblue]

Prezident: Bütün Qarabağ bölgəsində bu gün Azərbaycan Bayrağı dalğalanır, bu, böyük tarixi hadisədir [xfgiven_updateblue][/xfgiven_updateblue]