"Baker Tilly Audit Azərbaycan" şirkətində 1 il müddətində Biznes və Məsləhət Xidmətləri Direktoru vəzifəsində çalışan Fərhad Pərvizi, 4 avqust 2025-ci il tarixində şəxsi təşəbbüsü və könüllü ərizəsi əsasında şirkətdən ayrılıb.

Bu barədə "Sizinxeber.az-Economics"ə şirkətdən bildirilib.

Qeyd edilib ki, o, bu qərarı öz yeni biznes fəaliyyətinə başlamaq və şəxsi layihələrinə daha çox vaxt ayırmaq məqsədilə verib.

F.Pərvizi ilə əməkdaşlıq qarşılıqlı anlaşma və peşəkar yanaşma çərçivəsində rəsmi olaraq tamamlanmış, onun şirkətlə olan bütün hüquqi və ictimai əlaqələri – o cümlədən LinkedIn profili üzərindən – rəsmən sonlandırılıb.

Əmək fəaliyyəti dövründə Fərhad bəyin peşəkar xidmətləri hər zaman yüksək qiymətləndirilmiş və məmnunluqla qarşılanıb.

Təəssüflə qeyd edirik ki, bu gün bəzi sosial media istifadəçiləri və səhifələri tərəfindən yayılan əsassız və yönləndirilmiş məlumatlar ictimai rəyi çaşdırmağa xidmət edir. Yayılan iddialar həqiqəti əks etdirmir və "Baker Tilly Azərbaycan" bu cür yanaşmaları qərəzli və məqsədli nüfuz zədələməsi kimi qiymətləndirir.

"Baker Tilly Azərbaycan", 18 ildən artıqdır ki, ölkəmizdə fəaliyyət göstərən və beynəlxalq "Baker Tilly" şəbəkəsinin etibarlı üzvü olaraq, vergi, audit, hüquq və məsləhət xidmətləri sahəsində peşəkar tərəfdaş kimi tanınır. Şirkət peşəkarlıq, şəffaflıq və etik dəyərlərə sadiqliyini bu gün də qorumaqdadır və gələcək fəaliyyətində də bu prinsiplərə sadiq qalacaqdır.

Oxşar xəbərlər

Çıxışları ilə gündəm olan Fərhad Pərvizi vəzifəsindən azad edilib - İDDİA

“Neftçi”nin idman direktoru istefa verib

ARDNF İtaliya şirkətindən 49% pay alacaq

Neymar "Əl-Hilal" komandası ilə yollarını ayrılıb

MİQ üzrə vakansiya mərhələsinin nəticələri açıqlanıb