Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarəti Xidməti Sumqayıt şəhərinin Hacı Zeynalabdin Tağıyev qəsəbəsində yerləşən “Elat Kəndli-Fermer Təsərrüfatı" MMC-yə məxsus quşçuluq fabrikində formalaşan tullantı sularının lokal təmizləyici qurğu olmadan və hər hansı təmizlənmə, zərərsizləşdirilmə aparılmadan birbaşa Sumqayıt çayına və dolayısı ilə Xəzər dənizinə axıdılması faktı aşkar edilib.

"Report" bu barədə Xidmətə istinadən xəbər verir.

Məlumata görə, Su Məcəlləsinin 77-ci, 103-cü maddələrinin və “Ətraf mühitin çirkləndirilməsinə görə ödənişlərin tətbiqi haqqında” Nazirlər Kabinetinin 3 mart 1992-ci il tarixli qərarından irəli gələn tələblərin pozulmasına görə faktla bağlı akt və İnzibati Xətalar Məcəlləsinin 264.0.1-ci maddəsinə əsasən inzibati xəta törətdiyinə görə şirkət barədə protokol tərtib edilib.

Həmçinin, Qida Təhlükəsizliyi Agentliyi Kollegiyasının Qərarı ilə təsdiq edilmiş qaydalara riayət edilmədən fəaliyyətin həyata keçirildiyini nəzərə alaraq, müvafiq tədbirlər görülməsi üçün Agentliyə müraciət ediləcək.

Xidmət vətəndaşlardan su obyektlərinin çirkləndirilməsinə dair hallarla rastlaşdıqda dərhal qurumun sosial media hesabları vasitələri ilə məlumat vermələrini xahiş edib.

Oxşar xəbərlər

Suların İstifadəsinə və Mühafizəsinə Dövlət Nəzarəti Xidməti haqqında Əsasnamə təsdiq edilib

Xəzərə çirkab su axıdılmasının qarşısının alınması ilə bağlı qanunvericilik dəyişdiriləcək

Suların İstifadəsinə və Mühafizəsinə Dövlət Nəzarəti Xidmətinin işçilərinin sayı artırılıb

"Azərbaycan Dövlət Su Ehtiyatları Agentliyi haqqında Əsasnamə"yə dəyişiklik edildi

Suların İstifadəsinə və Mühafizəsinə Dövlət Nəzarəti Xidməti mayda 4 766 nöqsan aşkar edib