Bu ilin yanvar-may aylarında Azərbaycanda daşınmaz əmlak üzərində 148 678 mülkiyyət hüququ qeydiyyata alınaraq çıxarışla təmin edilib.

Bu barədə "APA-Economics"ə Əmlak Məsələləri Dövlət Xidmətindən bildirilib.

Məlumata görə, ötən ilin eyni dövrü ilə müqayisədə 3,7% azdır.

Beş ayda qeydiyyata alınan mülkiyyət hüququnun 24 947-si (16,8%) ilkin, 123 731-i (83,2%) isə təkrar qeydiyyatın payına düşüb.

Dövr ərzində fərdi yaşayış və bağ evi üzərində – 26 019, mənzil – 35.630, torpaq sahəsi – 81 642, qeyri-yaşayış binası – 1 237, qeyri-yaşayış sahəsi – 3 794, əmlak kompleksi – 285, çoxmərtəbəli yaşayış binası – 68 və çoxillik əkmələr üzərində – 3 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 38 859-u Bakı şəhərinin, qalan hissəsi isə bölgələrin payına düşür.

Bu ilin yanvar-may ayları ərzində 105 328 texniki pasport tərtib edilib, 24 599 ipoteka müqaviləsi qeydiyyata alınıb.

Oxşar xəbərlər

Bu il Azərbaycanda 85 mindən çox daşınmaz əmlak qeydiyyata alınıb

Səkkiz ayda 240 min daşınmaz əmlak üzərində mülkiyyət hüququ qeydiyyata alınıb

Bu il Azərbaycanda 270 min daşınmaz əmlaka çıxarış verilib

Bu il Azərbaycanda 178 min daşınmaz əmlaka çıxarış verilib

Ötən ay Azərbaycanda 30 minə yaxın daşınmaz əmlakın mülkiyyət hüququ qeydiyyata alınıb