Rumıniyanın energetika naziri Sebastyan Burduja və Serbiyanın dağ-mədən sənayesi və energetika naziri Dubravka Dedoviç-Handanoviç iki ölkə arasında qaz interkonnektorunun tikintisi layihəsi haqqında Anlaşma Memorandumu imzalayıblar.

“Report” TASS-a istinadən xəbər verir ki, bu barədə Rumıniyanın Energetika Nazirliyi məlumat yayıb.

Layihə Serbiyanın Mokrin kəndi yaxınlığında yerləşən texnoloji qovşağın Rumıniyadakı BRUA (Bolqarıstan-Rumıniya-Macarıstan-Avstriya) qaz kəməri ilə birləşdirilməsini nəzərdə tutur.

Rumıniya və Serbiya gələn il interkonnektorun tikintisinə başlamağı və 2028-ci ilə qədər başa çatdırmağı planlaşdırır.

“Layihə təchizat marşrutlarının şaxələndirilməsi yolu ilə hər iki ölkənin enerji təhlükəsizliyinin gücləndirilməsi və regional bazar inteqrasiyasında irəliyə doğru mühüm addımdır”, - məlumatda vurğulanıb.

Oxşar xəbərlər

Stefan Srblyanoviç: "Azərbaycan qaz tədarükünün şaxələndirilməsində Serbiyanın əsas tərəfdaşlarından biridir"

"Xəzər-Qara dəniz-Avropa" Yaşıl Enerji Dəhlizi üzrə birgə müəssisənin yaradılması üçün tender keçiriləcək

“Türkmengaz” və ADNOC “Qalkınış” yatağının işlənməsi üzrə anlaşma memorandumu imzalayıb

SOCAR Sloveniyaya qaz təchizatına başlayıb

Nazir müavini: "2030-cu ilə qədər Azərbaycanda bərpa olunan enerjinin payını 30 %-dən çox etmək olar"