Kürdəmir rayonunun 7 kəndinin dayanıqlı və fasiləsiz elektrik enerjisi ilə təmin olunması, elektrik enerjisi itkilərinin minimuma endirilməsi məqsədilə elektrik şəbəkəsi yenilənir.

“Report” bu barədə “Azərişıq” ASC-yə istinadən xəbər verir.

Məlumata görə, rayonun Axtaçı, Axtaçı Qarabucaq, Pirəköcə, Xəlsə, Qocalı və Hacımustafalı kəndlərində 0,4 və 10 kV-luq elektrik xətləri və dayaqlar yenilənib, köhnə tipli transformator məntəqələri yeni güc mərkəzləri ilə əvəz olunub. Ümumilikdə həmin kəndlərdə 16 komplekt transformator məntəqəsi (KTM), həmçinin, yeni SMS tipli sayğaclar quraşdırılıb.

500-dən çox abonentin yaşadığı Muradxan kəndində də elektrik şəbəkəsi tamamilə yenilənir. Görülən işlər çərçivəsində kənddə yeni güc mərkəzləri – 14 KTM quraşdırılır. Kənddə yeni 0,4 və 10 kV-luq elektrik xətləri çəkilir, dayaqlar basdırılır.

Yenidənqurma işlərinə cəlb olunan kəndlərdə 1 000-ə yaxın abonent dayanıqlı və fasiləsiz elektrik enerjisi ilə təmin olunacaq. “Azərişıq” ASC İnvestisiya Proqramına uyğun olaraq mərhələli şəkildə ölkənin digər regionlarında, bir sıra kənd və qəsəbələrdə də yenidənqurma işlərini davam etdirir.

Oxşar xəbərlər

“Azərişıq” Kürdəmirdə elektrik şəbəkəsinin yenilənməsi işlərini davam etdirir

Naxçıvanda yeni binalarda smart-kart tipli elektrik sayğacları quraşdırılıb

Biləsuvar və Cəlilabadın kəndlərində yararsız elektrik xətləri dəyişdiriləcək

Kəlbəcər və Laçında elektrik enerjisi infrastrukturu yenidən qurulur - VİDEO

Türkiyə İraqa elektrik enerjisi ixracını bərpa edib