Bu ilin yanvar-may aylarında Azərbaycan Türkiyəyə 4 milyard 683,75 milyon kubmetr qaz ixrac edib.

"Report" xəbər verir ki, bu barədə Türkiyənin Enerji Bazarını Tənzimləmə Qurumunun (EPDC) aylıq hesabatında deyilir.

Məlumata görə, bu, 2023-cü ilin ilk beş ayı ilə müqayisədə 5,6 % çoxdur.

Bu ilin may ayında Azərbaycan Türkiyəyə 1 milyard 008,58 milyon kubmetr təbii qaz ixrac edib, bu isə 2023-cü ilin may ayı ilə müqayisədə 9,24 % çoxdur.

Beləliklə, Azərbaycan may ayında Türkiyəyə təbii qaz ixrac edən ölkələr arasında liderliyini qoruyub. Qeyd olunan dövrdə Türkiyənin idxal etdiyi təbii qazın 35 %-i Azərbaycanın payına düşüb.

Ümumilikdə, may ayında Türkiyəyə 2 milyard 882,34 milyon kubmetr [azalma 21,94 %] qaz idxal edilib. 2 milyard 336,48 milyon kubmetr (bütün tədarükün 81,06 %-i, azalma 17,49 %) boru kəməri qazının, 545,86 milyon kubmetr (bütün tədarükün 18,94 %-i, azalma 36,56 %) mayeləşdirilmiş təbii qazın (LNG) payına düşüb.

Mayda Türkiyəyə 6 ölkədən (Azərbaycan, Rusiya, İran - boru kəmərləri ilə, ABŞ, Misir, Əlcəzair - mayeləşdirilmiş təbii qaz) qaz nəql olunub.

Oxşar xəbərlər

SOCAR ötən il üçün qazma, hasilat, emal və ixrac göstəricilərini açıqlayıb

Azərbaycan bu il Türkiyədən 695 milyon ABŞ dollarlıq mal alıb

Azərbaycanın tomat ixracından gəliri 68 %-dən çox artıb

Azərbaycan yanvarda Rusiyaya 4 milyondan çox yumurta ixrac edib

Ötən il Türkiyədən Azərbaycana məhsul ixracı 8 %-dən çox artıb