İqtisadiyyat Nazirliyi yanında Dövlət Vergi Xidməti Sinqapurun Daxili Gəlirlər İdarəsi ilə vergi inzibatçılığının təkmilləşdirilməsinə dair qabaqcıl təcrübələri müzakirə edib.

"Report" bu barədə Azərbaycan tərəfinə istinadən xəbər verir.

Məlumata görə, Dövlət Vergi Xidmətinin rəisi, Avropadaxili Vergi Administrasiyaları Təşkilatının (IOTA) prezidenti Orxan Nəzərli Sinqapurun Daxili Gəlirlər İdarəsinin rəhbəri və baş icraçı direktoru Fuk Çuen Ou ilə videoformatda görüş keçirib. Görüşdə ikitərəfli və çoxtərəfli əlaqələrin əhatə dairəsinin genişləndirilməsi, vergi inzibatçılığı sahəsində əməkdaşlığın prioritetləri və hüquqi-normativ bazasının yaradılması müzakirə edilib. Görüş zamanı ölkələrimiz arasında vergi əməliyyatları çərçivəsində risklərin idarə edilməsi, qarşılıqlı məlumat mübadiləsi, rəqəmsal vergi inzibatçılığı, vergi fırıldaqçılığı və vergidən yayınma halları ilə effektiv mübarizə və s. məsələlər ətrafında fikir mübadiləsi aparılıb. Bununla yanaşı, vergi sahəsində ikitərəfli əlaqələrin daha da möhkəmləndirilməsinin zəruriliyi vurğulanıb, inzibatçılığın təkmilləşdirilməsinə dair qabaqcıl təcrübələr nəzərdən keçirilib.

O.Nəzərli F.Ç.Ounu təşkilatın Bakıda keçiriləcək 29-cu Assambleyasında iştiraka dəvət edib.

Oxşar xəbərlər

Azərbaycanla Sinqapurun vergi inzibatçılığı sahəsində hüquqi-normativ bazasının yaradılması müzakirə edilib

Azərbaycanda online vergi ödənişi ilə bağlı xüsusi platforma yaradılıb

Azərbaycan və Latviya arasında vergi sahəsində əməkdaşlıq müzakirə edilib

Azərbaycan İsveçrə ilə vergi üzrə yeni əməkdaşlıq imkanlarını müzakirə edib

Azərbaycan və Litva vergi üzrə əməkdaşlığın inkişafı üçün işçi qrupu yaradacaq