Elektrikli avtomobillərə tələbatın azalması və Çin istehsalçıları ilə şiddətli rəqabət səbəbindən “Ford” şirkəti 2027-ci ilin sonuna qədər Avropada təxminən 4 min iş yerini ixtisar etməyi planlaşdırır.

“Sizinxeber.az” xəbər verir ki, bu barədə “Financial Times” məlumat yayıb.

Qeyd olunur ki, ixtisarlar Almaniyada 3 min, Böyük Britaniyada isə 800 işçiyə təsir edəcək və bu, avtomobil istehsalçısının Avropadakı işçi qüvvəsinin 14 %-i deməkdir.

İxtisarlar həmkarlar ittifaqları ilə müzakirə edilir, şirkət isə diqqətini daha ​​gəlirli sahələrə yönəldəcək. Daha əvvəl “Ford”un rəhbəri Cim Farli elektrikli avtomobillərin istehsalının 40 % daha az işçinin tələb etməsi barədə bildirib.

“Ford”un Avropada rəqabətədavamlı qalmasını təmin etmək üçün qətiyyətli addımlar atmağımız çox vacibdir”, - şirkətin vitse-prezidenti Deyv Conston deyib.

Oxşar vəziyyət Almaniyada zavodlarını bağlamağı, bazar payının itirilməsi səbəbindən genişmiqyaslı ixtisarlar planlaşdıran “Volkswagen” şirkətində də müşahidə olunur.

Oxşar xəbərlər

“Ford” tam elektrikli avtomobillərdən imtina edib

“Boeing” işçilərinin 10 faizini ixtisar edəcək

“Volkswagen” Almaniyadakı zavodlarını bağlamağı nəzərdən keçirir

“Boeing” yaxın aylarda işçilərinin 10%-ni ixtisar edəcək

“Ford” nasazlıq səbəbindən ABŞ-də 90 mindən çox avtomobili geri çağıracaq