Azərbaycanın qızıl ixracından qazancı 13 %-dan çox artıb

Bu ilin yanvar-sentyabr aylarında Azərbaycandan 115,3 milyon ABŞ dolları dəyərində qızıl ixrac edilib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın oktyabr buraxılışında qeyd olunub.

Bu, ötən ilin eyni dövrü ilə müqayisədə 13,3 % çoxdur.

Xatırladaq ki, Azərbaycan 2023-cü ildə 162,8 milyon ABŞ dolları məbləğində qızıl ixrac edib.