"Azəraqrartikinti" ASC 2025-ci ili 886 min manat xalis mənfəətlə başa vurub.

"Sizinxeber.az" səhmdar cəmiyyətinin maliyyə hesabatına istinadən xəbər verir ki, bu, 2024-cü illə müqayisədə 29,6 % azdır.

Ötən il "Azəraqrartikinti"nin vergiyəqədərki mənfəəti 1,108 milyon manat (əvvəlki ilə nisbətən 30 % az), mənfəət vergisi ödəmələri isə 222 min manat (29,5 % az) təşkil edib.

Bu il yanvarın 1-nə "Azəraqrartikinti"nin aktivləri 48,813 milyon manat olub ki, bu da illik müqayisədə 22,2 % azdır. Hesabat dövründə şirkətin öhdəlikləri 2,6 dəfə azalaraq 8,083 milyon manata, balans kapitalı isə 2,7 % azalaraq 40,730 milyon manata düşüb.

Xatırladaq ki, "Azəraqrartikinti" 1961-ci ildən fəaliyyət göstərən "Başkolxozlararasıtikinti" İdarəsinin bazasında 1998-ci ildə yaradılıb. Onun nizamnamə kapitalı 2,292 milyon manatdır. Şirkət bir sıra dövlət sifarişlərində icraçı olub.

Oxşar xəbərlər

“Azəraqrartikinti”nin xalis mənfəəti 4 dəfəyə yaxın azalıb

"Qala Sığorta"nın xalis mənfəəti 20 %-ə yaxın azalıb

Azərbaycana qida idxal edən şirkətin xalis mənfəəti 13%-ə yaxın azalıb

"Atəşgah Sığorta"nın xalis mənfəəti 2 dəfə azalıb

"İpək Yolu Sığorta"nın xalis mənfəəti 44 %-ə yaxın azalıb