ABŞ Prezidenti Donald Tramp bildirib ki, İran Vaşinqtonla mümkün razılaşmanın əldə olunmasında tələsməlidir.

"Sizinxeber.az" xəbər verir ki, bu barədə o, "Truth Social" sosial şəbəkə hesabında yazıb.

"Saat işləyir və onların (İranın - red.) tələsməsi daha yaxşı olardı, əks halda onlardan heç nə qalmayacaq. Vaxt gözləmir", - paylaşımda bildirilir.

Xatırladaq ki, fevralın 28-də ABŞ və İsrail İrana qarşı hərbi əməliyyata başlayaraq bir sıra şəhərlərə aviazərbələr endirib. Buna cavab olaraq İran İsrail ərazisinə və Fars körfəzi ölkələrindəki Amerika hərbi bazalarına hücum edib.

2026-cı il aprelin 8-nə keçən gecə İran, ABŞ və onların müttəfiqləri iki həftəlik barışıq barədə razılığa gəliblər. Daha sonra Ağ Evin rəhbəri Donald Tramp atəşkəs rejimini qeyri-müəyyən müddətə uzadıb. Aprelin 11-12-də İslamabadda Pakistanın vasitəçiliyi ilə İran və ABŞ arasında danışıqlar baş tutub. Müzakirələr nəticəsiz başa çatıb.

Tehrana təzyiq olaraq ABŞ İran limanlarının və Hörmüz boğazından keçidin blokadaya alındığını elan edib. Öz növbəsində İran Hörmüzün Fars körfəzi ölkələrinə gedən gəmilər üçün bağlandığını bildirib. Regiondakı vəziyyət qlobal enerji böhranına səbəb olub.

Oxşar xəbərlər

Tramp: İranla razılaşma bu gün axşam imzalanacaq

Tramp ABŞ-nin təkliflərinə İrandan cavab gözləyir

SEPAH: Trampın bugünkü problemi Hörmüz boğazının açılmasıdır

Hörmüzdən ABŞ-nin təhdidlərinə baxmayaraq növbəti İran gəmisi keçib

İbrahim Əzizi: ABŞ və İsrail İrana qarşı müharibədə istəyinə nail ola bilməyib