Fransa və müttəfiqləri Hörmüz boğazında gəmiçiliyin təhlükəsizliyini təmin etmək üçün missiya planlaşdırırlar, lakin söhbət hərbi-dəniz qüvvələrinin yerləşdirilməsindən getmir.

"Report" xəbər verir ki, bu barədə Fransa Prezidenti Emmanuel Makron Nayrobidə Keniyalı həmkarı Uilyam Ruto ilə birgə mətbuat konfransında bildirib.

"Söhbət heç vaxt Fransa və ya Fransa-Britaniya qüvvələrinin yerləşdirilməsindən getmədi", - Makron deyib. O, Fransanın hazır vəziyyətdə olduğunu söyləyib. Makron bildirib ki, bir neçə gün əvvəl Aralıq dənizinin şərq hissəsində, Hörmüz boğazına yaxın "Şarl de Qoll" aviadaşıyıcısının yerləşdirilməsi barədə qərar qəbul edilib.

Makronun sözlərinə görə, Böyük Britaniya ilə birlikdə 50-yə yaxın ölkə və beynəlxalq təşkilatın iştirakı ilə xüsusi missiya yaradılıb. Məqsəd təhlükəsiz dəniz rabitəsini təmin etmək və neft, qaz, qida və gübrə daxil olmaqla yük daşımalarının mümkün bərpasının təminatı üçün koordinasiya etməkdir.

Fransa Prezidenti qeyd edib ki, işlər İranla koordinasiyada, eləcə də region ölkələrinin və ABŞ-nin mövqeləri nəzərə alınmaqla aparılacaq. O, bütün tərəfləri təmkinli olmağa, məsuliyyət daşımağa və ritorikanın artmasından imtina etməyə çağırıb.

Oxşar xəbərlər

Makron: Hörmüz boğazında hərbi yerləşdirmə planlaşdırılmır

Makron: Hörmüz boğazında açılan atəşin hədəfi Fransa olmayıb

Makron tərəfləri Hörmüz boğazından təhlükəsiz naviqasiyanı təmin etməyə çağırıb

Heç vaxt Hörmüz əməliyyatında iştirak etməyəcəyik - Makron

Makron: Fransa Hörmüz boğazının açılmasına dəstək verməyə hazırdır