ABŞ Prezidenti Donald Tramp Cənubi Koreyanı ABŞ-nin Hörmüz boğazındakı "Azadlıq" missiyasına qoşulmağa çağırıb.

"Report" xəbər verir ki, bu barədə o, "Truth Social" sosial şəbəkə hesabında yazıb.

Tramp qeyd edib ki, İran qüvvələri ABŞ, İsrail və İran arasındakı münaqişəyə cəlb olunmayan ölkələrin gəmilərini, o cümlədən azı bir Cənubi Koreya ticarət gəmisini atəşə tutublar.

"Bəlkə də, Cənubi Koreyanın missiyaya qoşulmaq vaxtı çatıb! Biz 7 kiçik kateri və ya onların adlandırmağı sevdikləri kimi, "sürətli" katerləri batırdıq. Bu, onların əlində qalanların hamısıdır. Cənubi Koreya gəmisindən başqa, hazırda boğazdan keçərkən zərər görən başqa gəmi yoxdur", - paylaşımda bildirilib.

O, həmçinin bu məsələ ilə bağlı sabah səhər müharibə naziri Pit Heqset və Birləşmiş Qərargah Rəisləri Komitəsinin sədri Den Keynin keçirəcəyi mətbuat konfransını anons edib.

Oxşar xəbərlər

KİV: Böyük Britaniya ABŞ-nin Hörmüz boğazındakı missiyasına qoşulmayacaq

İran Hörmüz boğazında Cənubi Koreya ilə əməkdaşlığa hazır olduğunu bəyan edib

Tramp: ABŞ Hörmüz boğazının minalardan təmizlənməsinə başlayır

Tramp Hörmüzlə bağlı NATO-nun yardımından imtina etdiyini bildirib

Tramp neft idxalçısı olan ölkələri Hörmüz boğazının təhlükəsizliyini təmin etməyə çağırıb