Diasporla İş üzrə Dövlət Komitəsinin və Elm və Təhsil Nazirliyinin dəstəyi, Dünya Azərbaycanlı Alimlər Dərnəyinin təşkilatçılığı ilə 9-11 sentyabr 2024-cü il tarixində "Gülüstan" sarayında xaricdə yaşayan azərbaycanlı alimlərin forumu keçiriləcək.

"Report" xəbər verir ki, 23 ölkədən 80-dən çox azərbaycanlı alimin gəlməsi gözlənilən tədbirdə ümumilikdə 200-ə yaxın elm xadiminin iştirakı nəzərdə tutulur.

Forumun məqsədi müxtəlif ölkələrdə yaşayan azərbaycanlı alimləri bir araya gətirmək, yerli alimlərlə görüşdürmək, bilik və təcrübə mübadiləsi aparmaq, dünya azərbaycanlı elm adamlarının şəbəkələşməsinə töhfələr verməkdir.

İşğaldan azad edilmiş ərazilərin bərpası prosesində alimlərimizin bilik və təcrübəsindən yararlanmaq üçün onlar Forum çərçivəsində Şuşa və Xankəndi şəhərlərinə yola düşəcək, Qarabağ Universitetinin müəllim heyəti ilə müzakirələr aparacaqlar.

Oxşar xəbərlər

Bu ilin sentyabrında xaricdə yaşayan azərbaycanlı alimlərin forumu keçiriləcək

Rektor: Qarabağ Universitetinə xaricdə yaşayan azərbaycanlı alimlər dəvət olunur

Avropada yaşayan azərbaycanlı mühəndislərin Forumu keçirilir

Amerika-Azərbaycan Gənclərinin ilk Forumu başa çatıb

Türkiyədə 6-cı Etnoidman Forumu başlayıb, Azərbaycan da təmsil olunur