Vəkillər Kollegiyasından bir vəkil xaric edilib, bir vəkil barəsində isə cərimə tədbiri tətbiq olunub.

Kollegiyadan "Report"a verilən məlumata görə, bu barədə Vəkillər Kollegiyasının Rəyasət Heyətinin iclasında qərar verilib.

Bildirilib ki, iclasın gündəliyinə uyğun olaraq bəzi vəkillərin öz arzusu ilə vəkillik fəaliyyətinə xitam verilməsi, daimi dövlət qulluğuna qəbul edilməsi ilə əlaqədar vəkillik fəaliyyətinin dayandırılması, müəyyən müddətə üzvlük haqqından azad olunması və mövcud borcların silinməsi ilə bağlı müraciətlərinə baxılıb. Həmçinin iclasda bəzi vəkillərin vəkil kabineti yaratmaları, vəkil kabinetinin fəaliyyət göstərdiyi ünvanının dəyişilməsi, eləcə də digər vəkil qurumlarına keçməsi ilə bağlı müraciətləri müzakirə olunaraq müvafiq qərarlar qəbul edilib.

Eyni zamanda iclasda "Philip C. Jessup" Beynəlxalq Məhkəmə Müsabiqəsində iştirak edəcək tələbələrə maliyyə dəstəyinin göstərilməsi ilə bağlı Bakı Dövlət Universiteti tərəfindən daxil olan müraciətə baxılıb. Hüquq fakültəsinin tələbələrinin beynəlxalq səviyyədə təmsilçiliyinin və praktiki biliklərinin artırılmasının əhəmiyyəti nəzərə alınaraq, müvafiq maliyyə dəstəyinin göstərilməsi barədə müsbət qərar qəbul edilib.

İclasın davamında Vəkillərin İntizam Komissiyasının rəylərinə baxılıb. Qəbul edilmiş qərarlara əsasən yol verilmiş intizam pozuntularına görə 1 vəkil Kollegiyadan xaric edilib və 1 vəkil barəsində isə cərimə tədbiri tətbiq olunub.

Oxşar xəbərlər

Bir vəkilin fəaliyyəti dayandırılıb, beşinə töhmət verilib

İki vəkilə xəbərdarlıq edilib, birinin isə fəaliyyəti müvəqqəti dayandırılıb

Beş vəkilə xəbərdarlıq olunub, dörd vəkilə töhmət verilib

İntizam pozuntularına görə 3 vəkilə töhmət verilib, 1 vəkilin fəaliyyəti müəyyən müddətə dayandırılıb

İki vəkilin fəaliyyətinin dayandırılması üçün məhkəməyə müraciət ediləcək