Mədəniyyət naziri Adil Kərimli İtaliyaya səfəri gedişində dekabrın 19-da qərargahı Romada yerləşən Mədəni Mülkiyyətin Qorunması və Bərpasının Öyrənilməsi üzrə Beynəlxalq Mərkəzin (ICCROM) baş direktoru Aruna Françeska Maria Gujral ilə görüşüb.

Mədəniyyət Nazirliyindən Sizinxeber.az-ya verilən məlumata görə, Romadakı Azərbaycan Mədəniyyət Mərkəzində keçirilən görüşdə xanım baş direktoru salamlayan nazir deyib ki, multikultural ölkə olan Azərbaycanda müxtəlif xalqlara və dinlərə məxsus mədəni mirasın qorunması, təmir və bərpası bu sahədə dövlət siyasətinin prioritet istiqamətlərindədir.

Azərbaycan həm dövlət səviyyəsində, həm də Birinci vitse-prezident Mehriban xanım Əliyevanın rəhbəri olduğu Heydər Əliyev Fondunun xətti ilə bir sıra dinlərə mənsub yerli və beynəlxalq səviyyədə abidələrin, ziyarətgahların bərpasına mühüm töhfələr verir.

ICCROM-un baş direktoru noyabr ayında Bakıda təşkil olunan BMT-nin İqlim Dəyişmələri üzrə Çərçivə Konvensiyası Tərəflər Konfransının 29-cu sessiyasında (COP29) iştirakından və keçirdiyi görüşlərdən məmnunluğunu bildirib. O, Azərbaycanın bu mötəbər tədbirə yüksək səviyyədə ev sahibliyi etdiyini, COP29-un uğurla nəticələndiyini deyib.

Görüşdə ölkəmizin ICCROM-la əməkdaşlığı ilə bağlı müzakirə aparılıb.

Oxşar xəbərlər

Adil Kərimli ICCROM-un baş direktoru ilə görüşüb

Nazir: Azərbaycanda müxtəlif xalqlara və dinlərə məxsus mədəni mirasın qorunması prioritetdir

Romada Azərbaycan-İtaliya mədəni əməkdaşlığı müzakirə olunub - FOTO

Adil Kərimli Romada XXI Əsrin Milli İncəsənət Muzeyini ziyarət edib - FOTO

Adil Kərimli Romada Nizami Gəncəvinin abidəsini ziyarət edib