Biləsuvarın Mərkəzi Parkında 4-cü “Hind quşu festivalı” keçirilib.

"Report"un Muğan bürosunun məlumatına görə, festivalda hind quşundan hazırlanmış onlarla müxtəlif çeşidli təam rayonun sakinlərinə və qonaqlara təqdim olunub.

Ən dadlı təamlar hazırlayan aşpazlar qiymətli hədiyyələrlə mükafatlandırılıb.

Burada, həmçinin müxtəlif səpgili tədbirlər, idman oyunları keçirilib, əl işlərindən ibarət sərgilər və rəsm əsərləri nümayiş etdirilib.

Bundan əlavə, yerli kənd məhsullarından ibarət satış yarmarkası və kənd həyatını əks etdirən güşə fəaliyyət göstərib.

Festival boyu musiqiçilər tərəfindən hazırlanmış geniş konsert proqramı təqdim olunub.

Oxşar xəbərlər

Biləsuvarda IV Hind quşu Festivalı keçiriləcək

Qəbələdə “Bir Peşənin Sirri” festivalı keçirilib

Azərbaycana gətirilən hind quşu məhsulunda bakteriya aşkarlanıb

Daşkəsəndə Aqrar Biznes Festivalı keçirilir

Cəlilabadda "Bir peşənin sirri" festivalı keçiriləcək