Azərbaycanda kino ittifaqlarının rəsmi birləşməsinin və sədr seçkisinin tarixi bilinib » Sizinxeber.az - Azərbaycan Xəbərləri
21 
Şub
2024
15:06

Azərbaycanda kino ittifaqlarının rəsmi birləşməsinin və sədr seçkisinin tarixi bilinib

21 Şub, 2024
15:06
1 675

Azərbaycanda kino ittifaqlarının rəsmi birləşməsinin və sədr seçkisinin tarixi bilinib

Azərbaycan Kinematoqrafçılar İttifaqı (AKİ) və Azərbaycan Respublikası Kinematoqrafçılar İttifaqının (ARKİ) birləşmiş konfransının vaxtı məlum olub.

Azərbaycan Kinematoqrafçılar İttifaqının katibi rejissor Əlisa Cabbarov Sizinxeber.az-nın sorğusuna cavab olaraq bildirib ki, konfrans 5 mart tarixində keçiriləcək.

“Konfransın gündəliyində duran məsələlərə birləşmiş kino ittifaqının yaradılmasının rəsmiləşdirilməsi və eləcə də ona sədr və idarə heyətinin seçilməsi daxildir”, - katib qeyd edib.

Onun sözlərinə görə, hələlik sədr postuna elan edilən tək namizəd Xalq artisti Rasim Balayevdir: “Rasim Balayev Azərbaycan Kinematoqrafçılar İttifaqının namizədidir. Azərbaycan Respublikası Kinematoqrafçılar İttifaqı da, sözsüz, öz namizədini elə konfransda da elan edə bilər”.

Qeyd edək ki, fəaliyyətdə olan kino ittifaqları ötən ilin iyununda birləşmələri barədə birgə bəyanat yayıblar. Azərbaycan Respublikası Kinematoqrafçılar İttifaqı 2012-ci ildə yaradılıb və ittifaqın idarə heyətinin hazırkı sədri Xalq artisti Şəfiqə Məmmədovadır. Azərbaycan Kinematoqrafçılar İttifaqı isə 1963-cü ildən fəaliyyət göstərir, ittifaqın idarə heyətinin hazırkı sədri Xalq artisti Rasim Balayevdir.

Bizimlə əlaqə saxlayın