"Atmosferi daha çox inkişaf etmiş ölkələr çirkləndirdiyi üçün iqlim dəyişikliyi ilə mübarizəyə tələb olunan vəsaitin böyük bir hissəsini də onlar ödəməlidir".

Sizinxeber.az-nın xəbərinə görə, Qananın COP29-da iştirak edən nümayəndə heyətinin üzvü Erik Kofi Afornorpe deyib.

Onun qənaətincə, ayrılması nəzərdə tutulan 250 milyard dollar həqiqətən də bu problemin çox ciddi təsir etdiyi ölkələrə istiqamətləndirilməlidir: "COP29 çərçivəsində maliyyələşmə məsələsi ətrafında razılaşma mütləq əldə edilməlidir. Qeyd edim ki, inkişaf etmiş ölkələr atmosferə daha çox zərərli qazların buraxılmasına, atmosferin çirkləndirilməsinə səbəb olur. Bu səbəbdən də maliyyənin böyük bir hissəsini onlar ödəməlidir. Biz demirik ki, pul var ya yoxdur, biz deyirik ki, pul mütləq tapılmalıdır. Onlar bu məsələdə mütləq razılıq əldə etməli, prioritetlər müəyyən olunmalıdır. Yeni Kollektiv Kəmiyyət Hədəfi üzrə də uzunmüddətli razılıq əldə edilməlidir. Hesab edirəm ki, bütün ölkələr iqlim dəyişikliyi ilə mübarizə məsələsini, ekoloji böhranı özlərinin prioriteti elan etməlidir".

Oxşar xəbərlər

COP29-un baş danışıqçısı: Bütün ölkələr iqlim maliyyəsi məsələsində səylərini birləşdirməlidir

İqlim maliyyəsi iqlim dəyişikliyi ilə mübarizədə mühüm rol oynayır

Nazir: COP29 çərçivəsində əsasən iqlim maliyyəsi üzrə məsələlərin həlli nəzərdə tutulur

Britaniyalı nazir: Kiçik ada dövlətləri iqlim dəyişikliyindən ən çox təsirlənənlər arasındadır

Nazir: COP29 çərçivəsində əsasən iqlim maliyyəsi üzrə məsələlərin həlli nəzərdə tutulur - VİDEO