Afrika ölkələrinin nümayəndələri Bakıda yeni müstəmləkəçilik təzahürlərini və onun qarşısının alınması üçün birgə tədbirləri, əməkdaşlıq layihələrinin həyata keçirilməsini, həmçinin metropoliyaların müstəmləkə siyasəti nəticəsində ətraf mühitə və insan sağlamlığına dəymiş ziyanı müzakirə ediblər.

"Sizinxeber.az"un məlumatına görə, bu məsələlər Bakı Təşəbbüs Qrupunun nümayəndələri ilə görüşdə müzakirə olunub.

Görüşdə Mali, Toqo, Cibuti, Nigeriya, Kenya, Konqo Demokratik Respublikası və Mavritaniyadan olan deputatlar, qeyri-hökumət təşkilatlarının rəhbərləri, siyasətçilər, ekoaktivistlər və hüquq müdafiəçiləri iştirak ediblər.

"Biz ekologiyaya və gələcəyimizə ziyan vurmaqla istismar edilməyə davam edən təbii sərvətlərimizi qorumaq üçün səylərimizi birləşdirməliyik. Beynəlxalq korporasiyaların real məsuliyyətə cəlb edilməsinin vaxtı çatıb", - deyə müstəmləkəçilikdən zərər çəkmiş Konqo Demokratik Respublikasının Ətraf Mühitin və Qorunan Ərazilərin Müdafiəsi Cəbhəsinin proqram direktoru Makelele Kauçu Alen Bisimva bildirib.

"Paix & Lait" (Cibuti) təşkilatının sosial inkişaf üzrə mütəxəssisi Əbdülsəməd Səid Arrenin sözlərinə görə, müstəmləkə irsi müstəqillik əldə etdikdən sonra da bu ölkələrin inkişafına təsir göstərməyə davam edir. "Biz ədalət və bərabərliyə əsaslanan sosial tərəqqi üzərində işləməliyik", - deyə o bildirib.

Oxşar xəbərlər

COP29 çərçivəsində müstəmləkəçilikdən əziyyət çəkmiş afrikalı nümayəndələrlə görüş keçirilib

COP29 çərçivəsində müstəmləkəçilikdən əziyyət çəkmiş afrikalı nümayəndələrlə görüş keçirilib - FOTO

Bakıda “Fransanın Afrikada neokolonializm siyasəti” mövzusunda beynəlxalq konfrans keçirilib

Abbas Abbasov: BTQ müstəmləkəçiliyə qarşı mübarizədə Afrika ilə əməkdaşlıq imkanlarını nəzərdən keçirir

Bakı Təşəbbüs Qrupu COP29-da dekolonizasiya və yaşıl gələcəyə həsr edilmiş konfrans keçirib