Beynəlxalq iqlim maliyyəsinin yalnız 2,4%-i xüsusi olaraq uşaqların ehtiyaclarına cavab verən təşəbbüslərə yönəldilir.

APA xəbər verir ki, bunu COP29 çərçivəsində keçirilən “İnsan İnkişafının Mühafizəsi: Sosial Müdafiə üçün İqlim Maliyyəsinin səfərbər edilməsi” panelində çıxışı zamanı UNİCEF-in Azərbaycan üzrə nümayəndəsi Saja Faruk Abdullah deyib.

O bildirib ki, İqlim maliyyəsi üzrə Yeni Kollektiv Kəmiyyət Məqsədini (NCQG) nəzərdən keçirərkən, bu məqsədin təkcə vəsait toplamaqdan ibarət olmadığını başa düşürük: "Bu, iqlim maliyyəsinə yatırılan hər bir dolların fərq yaratmasını və buna ən çox ehtiyacı olan insanlara çatmasını təmin etməkdən ibarətdir".

Saja Faruk Abdullah qeyd edib ki, COP29 və COP30 arasında Azərbaycanda, bu regionda və qlobal miqyasda fəaliyyəti sürətləndirmək üçün Adaptiv Sosial Müdafiə üzrə İşçi Qrupu alətlərdən və təcrübələrdən istifadə edilərək öhdəlikləri fəaliyyətə çevirməlidir və bu işi dəstəkləmək üçün maliyyənin səfərbər edilməsinə çalışmalıdır.

“Biz sosial müdafiənin iqlimlə bağlı fəaliyyət və maliyyə üçün vacib hesab edildiyi mühüm məqamdayıq. Bugünkü müzakirələr və İqlimə Dayanıqlı İnsan İnkişafı üzrə Bakı Rəhbər Prinsipləri onun əsas investisiya sahəsi kimi əhəmiyyətini vurğulayır. Bundan əlavə, sosial müdafiə üçün iqlim maliyyəsinin artırılması həssas vəziyyətdə olan uşaqlar və icmalar üçün davamlılıq yaratmaq üçün önəmlidir”, - UNİCEF-in nümayəndəsi əlavə edib.

Oxşar xəbərlər

Dünya Bankı: 2 mlrd. insanın sosial müdafiəsi təmin edilmir

Britaniyalı nazir: İqlim dəyişikliyi problemini həll etməyə kömək etməsək, yoxsulluq içində yaşayanların sayı artacaq

COP29-un Prezidenti: Məktəbdən universitetə qədər daha güclü iqlim təhsili sistemi yaratmalıyıq

Elmar Məmmədov: İqlim Maliyyəsi üzrə Fəaliyyət Fondunun yaradılması nəzərdə tutulub

COP29-da aktivistlər iqlim maliyyəsinin ədalətli formalaşdırılması tələbi ilə aksiya keçirib - FOTO - VİDEO