İqlim dəyişikliyi ilə bağlı çağırışlar kənd təsərrüfatı sektoru üçün yalnız təhdid deyil, əksinə gələcək nəsillər üçün daha davamlı, səmərəli və müasir kənd təsərrüfatı sistemlərinin qurulması üçün bir fürsətdir.

"Report" xəbər verir, bunu kənd təsərrüfatı naziri Məcnun Məmmədov Bakı İqlim Fəaliyyəti Həftəsinin 2-ci günündə bildirib.

Onun sözlərinə görə, aqrar sektor iqlim dəyişikliyinin birbaşa təsir etdiyi sahələrdəndir: "Azərbaycanda bu təsirə qarşı mübarizədə genişmiqyaslı islahatlar həyata keçirir. Su ehtiyatlarının səmərəli idarə olunması, torpaq resurslarının səmərəli istifadəsi bu islahatların mərkəzindədir".

Nazir qeyd edib ki, əsas məqsəd fermerlərin müasir texnologiyalarla dəstəklənməsi və su resurslarının davamlı, düzgün idarə olunmasıdır: "İqlim dəyişikliyi ilə mübarizədə innovativ yanaşmalar və müasir texnologiyalar mühüm rol oynayır. Bu çərçivədə Azərbaycan suvarma sistemlərini modernləşdirir, fermerlər üçün daha səmərəli sudan istifadə imkanları yaradır və bərpa olunan enerji mənbələrinə sərmayə qoyur".

Oxşar xəbərlər

Nazir: "İşğaldan azad edilmiş ərazilərdə ətraf mühitin qorunması prioritetdir"

İlhamə Qədimova: “Son 5 ildə suvarma sistemlərinin qurulmasına 93 milyon manat subsidiya ayrılıb”

Nazir: "İqlim dəyişikliyinin aqrar sahəyə ciddi mənfi təsiri müşahidə olunur"

Bakıda keçirilən regional iqlim seminarı başa çatıb