Cəlilabad rayonunda son günlər müşahidə olunan intensiv yağışlar meyvə bağlarında ziyanverici həşəratların yayılmasına səbəb olub.

Bu barədə "Sizinxeber.az"un Muğan bürosuna bağ sahibləri məlumat veriblər.

Onların sözlərinə görə, davam edən yağışlar tozlanma və çiçəklənmə mərhələsində olan ağaclara mənfi təsir göstərib. Eyni zamanda, torpaqda rütubətin artması ziyanverici həşəratların çoxalmasına şərait yaradıb ki, onlar da meyvə ağaclarının yarpaqlarını zədələyirlər.

Bağ sahibləri bildiriblər ki, bu vəziyyət məhsuldarlığın təxminən iki dəfə azalmasına səbəb olacaq.

Qeyd edək ki, hazırda Cəlilabad rayonunda ümumilikdə 200 hektara yaxın meyvə bağı mövcuddur.

Oxşar xəbərlər

Cəlilabadda meyvə və giləmeyvə yığımı yekunlaşıb, bu il məhsuldarlıq bol olub

İmişlidə meyvə və giləmeyvə yığımı yekunlaşıb

Biləsuvarda bu il yeni salınan meyvə bağlarının sahəsi artırılıb

Cəlilabadda xurma yığımı aparılır, məhsuldarlıq və qiymətdən fermerlər razıdır