Bu ilin yanvar-may aylarında Azərbaycan (Naxçıvan Muxtar Respublikası) Türkiyənin Cənub-Şərqi Anadolu bölgəsindən 8,351 milyon ABŞ dolları dəyərində dənli və paxlalı bitki məhsulları idxal edib.

“Sizinxeber.az” bu barədə Cənub-Şərqi Anadolu Taxıl, Paxlalılar, Yağlı Toxumlar və Emal Məhsulları İxracatçıları Birliyinə istinadən xəbər verir.

Məlumata görə, bu, 2024-cü ilin eyni dövrünə nisbətən 42,1 % çoxdur.

Hesabat dövründə bölgədən ümumilikdə xarici ölkələrə 1 milyard 499,166 milyon ABŞ dolları dəyərində dənli və paxlalı bitki məhsulları ixrac edilib ki, bu da illik müqayisədə 7,9 % çoxdur.

5 ayda Cənub-Şərqi Anadolu bölgəsindən ən böyük (686,167 milyon ABŞ dolları məbləğində) dənli və paxlalı bitki məhsullarının ixracı Yaxın Şərq ölkələrinə həyata keçirilib. Bu, 1 il əvvələ nisbətən 4,2 % azdır.

Onları Afrika ölkələri (464,305 milyon ABŞ dolları) və Amerika ölkələri (193,495 milyon ABŞ dolları) izləyib. Bunlar isə illik müqayisədə müvafiq olaraq 38,6 % çox və 5,2 % azdır.

Oxşar xəbərlər

Azərbaycanın Cənub-Şərqi Anadoludan mal idxalının dəyəri 34 % artıb

Azərbaycan Cənub-Şərqi Anadoludan tekstil mallarının idxalına çəkdiyi xərci 18 % artırıb

Azərbaycan əczaçılıq məhsullarının idxalına çəkdiyi xərci 4 %-dən çox azaldıb

Azərbaycan kakao ixracından gəlirini 27 %-ə yaxın artırıb

Azərbaycan əczaçılıq məhsullarının idxalına çəkdiyi xərci 16 % azaldıb