Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub.

"Report" xəbər verir ki, bu barədə "Khabar Fouri" məlumat yayıb.

Bildirilib ki, diplomatlar bölgədəki son hadisələri və ikitərəfli münasibətləri müzakirə ediblər.

A. Əraqçi bildirib ki, ABŞ və İsrailin hücumları beynəlxalq hüquqa ziddir. "İranın müdafiə tədbirləri yalnız təcavüzkarlara, eləcə də hücum üçün istifadə olunan baza və obyektlərə yönəlib",- Əraqçi qeyd edib.

Söhbət zamanı bəzi ikitərəfli məsələlər ətrafında da müzakirə aparılıb və mövcud şəraitdə istənilən anlaşılmazlığın aradan qaldırılması üçün iki ölkə arasında sıx məsləhətləşmələrin davam etdirilməsinin əhəmiyyəti vurğulanıb.

Oxşar xəbərlər

Ceyhun Bayramov yeni iranlı həmkarı ilə regional məsələləri müzakirə edib

Ceyhun Bayramov və Seyid Abbas Ərağçi İsrailin İrana hücumundan sonra yaranmış vəziyyəti müzakirə ediblər

İranın XİN rəhbəri Bəşər Əsədlə görüşüb - YENİLƏNİB

Azərbaycan və İran XİN başçıları regional məsələləri müzakirə edib

İranla ÇİN-in XİN başçıları ikitərəfli və regional hadisələri müzakirə ediblər