"Ermənistan Hava Yolları" aviaşirkəti yarım il müddətinə uçuşlar həyata keçirmək imkanından məhrum edilib.

“Report” xəbər verir ki, bu barədə Ermənistan KİV-ləri Mülki Aviasiya Komitəsinə istinadən məlumat yayıb.

Hava daşıyıcısına kommersiya uçuşlarını həyata keçirməyə imkan verən sertifikat (Air operator certificate) qüvvədən salınıb. Bu, aviaşirkətin yararlı təyyarələrin və ya onların icarəsi haqqında müqavilələrinin olmaması ilə əlaqədardır.

Sertifikatın qüvvədən salınması haqqında qərar mayın 6-da qəbul edilib. Əgər 6 ay ərzində şirkət Komitəyə yararlı təyyarələr və ya təyyarələrin lizinqi haqqında müqavilələr təqdim etməsə, sertifikat tamamilə ləğv ediləcək.

Oxşar xəbərlər

"Zvartnots" hava limanında təyyarələr pis hava səbəbindən eniş edə bilməyib

Dəməşq hava limanının xüsusi icazə ilə fəaliyyəti dekabrın 24-dək uzadılıb

“Ural Hava Yolları” Soçidən Bakıya birbaşa uçuşlara başlayır