İran Prezidenti Məsud Pezeşkian köməkçisi Şəhram Dəbirini bahalı turizm səfərinə getdiyi üçün vəzifəsindən azad edib.

“Sizinxeber.az” xəbər verir ki, məlumatı “Mehr" agentliyi yayıb.

M.Pezeşkian məsələ ilə bağlı açıqlamasında bildirib ki, Dəbirinin Novruz bayram tətilində Antarktidaya lüks səyahətə getdiyi müəyyənləşib: “Kasıbların çox olduğu bir ölkədə vəzifəli şəxslərin öz vəsaitləri hesabına olsa belə, bahalı turizm səfərinə getməsi müdafiə edilə və ya haqlı sayıla bilməz. Bu, səlahiyyətlilərin sadə həyat standartları ilə uyğun deyildir”.

Qeyd edək ki, Şəhram Dəbirinin bayram tətilində Antarktidaya lüks səyahətə getdiyi və orada əylənməsinə dair mediada məlumatlar yayılıb. O, dövlətin deyil, öz maliyyə vəsaiti hesabına səyahətə çıxdığını bildirsə də, ancaq bu, qarşı tərəfi qane etməyib.

Oxşar xəbərlər

İran Prezidenti ABŞ-a səfər edəcək

İranın birinci vitse-prezidenti: Trampla Pezeşkian qeyri-rəsmi görüşə bilər

Pezeşkian: Türkmənistan İranla təbii qaza dair müqavilə imzalamağa hazır deyil

Prezident İlham Əliyevlə Məsud Pezeşkian arasında telefon danışığı olub

Məsud Pezeşkian Türkmənistana səfər edəcək