İran Xarici İşlər Nazirliyi ABŞ Prezidenti Donald Trampın İslam Respublikasına hava hücumları ilə bağlı bəyanatlarını BMT Nizamnaməsinin pozulması hesab edir.

“Report” xəbər verir ki, bu barədə XİN-in mətbuat katibi İsmayıl Baqei məlumat verib.

“Dövlət başçısı tərəfindən açıq şəkildə “bombalama” hədəsi beynəlxalq sülh və təhlükəsizliyin mahiyyətinə sarsıdıcı təhqirdir. Bu, Birləşmiş Millətlər Təşkilatının Nizamnaməsini pozur və BAEA-nın zəmanətlərinə xəyanət edir”, - o, “X” sosial şəbəkəsində yazıb.

Baqeinin sözlərinə görə, zorakılıq zorakılığı doğurur, ABŞ isə öz kursunu seçə bilər, sadəcə, bunun nəticələrini də qəbul etməlidir.

Xatırladaq ki, Ağ Evin rəhbəri dünən İranın ya iki ay ərzində nüvə silahı üzrə sazişi imzalayacağını, ya da ABŞ tərəfindən bombardmanlara məruz qalacağını bəyan edib.

Oxşar xəbərlər

İran BAEA-nı şantaj edir

İran Trampın məktubuna cavab verib

İran XİN başçısı: Trampın yazdığı məktub ərəb dövləti vasitəsilə İrana veriləcək

BAEA rəhbəri İranın nüvə obyektlərinə baş çəkib

İran Avropa ilə nüvə sazişi üzrə danışıqların bərpa olunacağını açıqlayıb