Gürcüstanın paytaxtı Tbilisidə "Xarici təsirin şəffaflığı haqqında" qanun layihəsinin əleyhdarları sabah parlamentin Hüquq məsələləri komitəsinin iclasında qanun layihəsinin üçüncü oxunuşda müzakirəsinə etiraz məqsədilə mitinq planlaşdırır.

"Report"un yerli bürosu xəbər verir ki, bunu Avropa meydanında davam edən etiraz aksiyasının iştirakçıları deyib.

Təşkilatçılar artıq sosial şəbəkədə müvafiq məlumat yayıblar.

Qeyd edilib ki, sabah saat 22:00-da Rustaveli prospektində mitinq nəzərdə tutulur.

Məlumat üçün bildirək ki, “Xarici təsirin şəffaflığı haqqında” qanun layihəsinə üçüncü oxunuşda baxılacaq. Hüquq məsələləri komitəsinin iclası mayın 13-ü saat 09:00-a təyin edilib.

Oxşar xəbərlər

Tbilisidəki Avropa meydanında on minlərlə insanın iştirak etdiyi mitinq başa çatıb

Tbilisidə “Xarici agentlər haqqında” qanun layihəsinə qarşı mitinq başa çatıb

Gürcüstanda xarici agentlər haqqında qanuna dəyişikliklər edilə bilər

Gürcüstanda aksiyanın keçirildiyi əraziyə xüsusi təyinatlı polis dəstəsi cəlb edilib - YENİLƏNİB-2

Gürcüstanda QHT nümayəndələri parlament binası qarşısında etiraz aksiyası keçirəcəklər