İranın ABŞ tərəfindən Oman körfəzində saxlanıldığı bildirilən "TOUSKA" gəmisinin heyətinin altı üzvü azadlığa buraxılıb.

"Sizinxeber.az" xəbər verir ki, bu barədə "Tasnim" agentliyi məlumat yayıb.

Bildirilib ki, konteyner gəmisi ələ keçirilən zaman göyərtəsində 28 iranlı olub:

"İran heyət üzvlərinin ailələri ilə birlikdə gəmidə olması səbəbindən hazırkı mərhələdə gəminin azad edilməsi üçün hərbi müdaxilədən çəkinib", - məlumatda bildirilib və əlavə edilib ki, onların sərbəst buraxılması üçün rəsmi səylər davam etdirilir və bu istiqamətdə zəruri olan digər tədbirlər görülür.

Məlumata görə, azad olunan altı nəfər artıq İrandadır.

"ABŞ-nin saxladığı gəmidə qalan 22 iranlının azad olunması üçün iş aparılır", - məlumatda xatırladılıb.

Qeyd edək ki, 19-20 aprel 2026-cı il tarixlərində ABŞ Hərbi Dəniz Qüvvələrinin "USS Spruance" esminesi gəmini saxlayıb. Məlumatlara görə, gəminin heyəti xəbərdarlıqlara tabe olmadığı üçün ABŞ hərbçiləri mühərrik otağına zərbə endirib və gəmini dayandırıb.

ABŞ tərəfi gəminin dəniz blokadasını (Hörmüz boğazında - red.) pozmağa çalışdığını və göyərtəsində hərbi məqsədlər üçün yararlı olan yüklər daşıdığını iddia edir. İran tərəfi isə bu hərəkəti beynəlxalq hüququn pozulması adlandırıb və gəminin sadəcə tibbi ləvazimatlar daşıdığını bəyan edib.

Oxşar xəbərlər

ABŞ Ordusu Oman körfəzində İran gəmisinin saxlanılmasının təfərrüatını açıqlayıb

Rusiya, İran və Çin şərti gəminin azad olunmasını təlimini keçiriblər

ABŞ Oman körfəzində İran gəmisini ələ keçirib

ABŞ İran gəmisini ələ keçirdi - Video

"Tasnim": Tehran İran gəmisini saxladıqdan sonra ABŞ-nin hərbi gəmilərinə zərbə endirib