İran parlamentinin 12-ci çağırış deputatı, milli təhlükəsizlik və xarici siyasət üzrə parlament komissiyasının keçmiş üzvü Əhməd Ərdəstani Tehranın nüvə silahı əldə etdiyini irəli sürüb.

Bu barədə “Report” “Khabar-e Online” nəşrinə istinadən xəbər verir.

Siyasətçi bu qənaətə İran hakimiyyətinin İsrailə və ABŞ-ın İraqdakı bazasına hücumu hansı inamla təşkil etdiyinə əsaslanıb.

“Görünür, İran nüvə silahı əldə edib, buna görə də İsrail ərazisinə, ondan əvvəl isə İraqın Ayn əl-Əsəddəki Amerika bazasına hava hücumu həyata keçirə biləcəyinə belə əmin idi”.

O, aydınlaşdırıb ki, İranın həqiqətən də nüvə silahı istehsal edə bildiyinə tam inam yoxdur, lakin Tehran alimlərin bu silahı yaratmağa çox yaxınlaşdığını dəfələrlə bəyan edib.

Oxşar xəbərlər

Amerikanın “F-35” qırıcısı nüvə silahı daşıya biləcək

KİV: ABŞ Yaponiyanı nüvə silahı ilə müdafiə etmək məsuliyyətini öz üzərinə götürəcək

ABŞ öz nüvə başlıqlarının sayını açıqlayıb

ABŞ dünyada nüvə məhdudiyyətlərini ləğv etməyə hazırlaşır

İran nüvə sazişini bərpa etməyə hazır olduğunu açıqlayıb