Türkiyədə meşə yanır, bir neçə kənd təxliyə olunub - YENİLƏNİB

Türkiyənin Çanaqqala vilayətində davam edən meşə yanğınının miqyası genişlənib.

“Report” xəbər verir ki, bu barədə Türkiyə KİV-i məlumat yayıb.

Kumköy, Yolağzı, Karainbeyli, Büyük Anafartalar və Küçük Anafartalar kəndlərinin sakinləri təxliyə olunub.

Məlumata görə, yanğın yaşayış yerlərinə yaxınlaşır. Yanğının söndürülməsinə 12 təyyarə və eyni sayda helikopter cəlb olunub.

Yanğının söndürülməsi istiqamətində işlər davam edir.

Türkiyənin Çanaqqala vilayətində meşəlik ərazi yanır.

"Report" "Haber Global"a istinadən xəbər verir ki, hadisə Gelibolu rayonunda qeydə alınıb.

Küləyin təsiri ilə alov daha geniş əraziyə yayılıb.

Vilayət valisi Ömer Toraman bildirib ki, hadisə ilə əlaqədar olaraq Eceabat və Yolağzı kəndlərinin sakinləri təxliyə edilib.

Hadisə yerinə 12 helikopter, 12 təyyarə, texniki vasitələr və 560 nəfərlik şəxsi heyət cəlb edilib.

Hazırda yanğının söndürülməsi üçün havadan və qurudan müdaxilə edilir.